ڀنڊ، گلڻ خان

گلڻ خان ڀنڊ : دادوءَ جو نامور صحافي گلڻ خان ڀنڊ، رانجهي خان ڀنڊ جو فرزند آهي۽ هن 27 آڪٽوبر 1964ع تي، ڳوٺ مينهين خان ڀنڊ تعلقي دادوءَ ۾ جنم ورتو. مئٽرڪ تائين تعليم هاءِ اسڪول ڀان مان حاصل ڪيائين ۽ ايم. اي (اڪانامڪس) سنڌ يونيورسٽي ڄام شوري مان ڪيائين. هن جي خاندان ۾ وڏا ملهه ٿي گذريا آهن. گلڻ خان ڀنڊ سياسي حوالي سان عوامي تحريڪ ۾ هڪ وڏي عرصي تائين سرگرم ڪردار ادا ڪندو رهيو. 1990ع کان ادب جي ميدان ۾ سرگرم ٿيو ۽ 1996ع کان صحافت جي شروعات ڪئي. روزاني ’پاڪ‘ حيدرآباد جو ضلعي رپورٽر رهيو ۽ ٻين ڪيترن اخبارن سان وابسته رهڻ کان پوءِ روزاني ’برسات‘ جو ضلعي رپورٽر رهيو. پريس ڪلب دادوءَ جي پروگرامن ۽ سرگرمين ۾ سندس سرگرم حصو رهيو آهي.

داخلا ۾ استعمال ٿيل تاريخون

1964.10.27  عيسوي

نامور صحافي گلڻ خان ڀنڊ، رانجهي خان ڀنڊ جو فرزند آهي۽ هن 27 آڪٽوبر 1964ع تي، ڳوٺ مينهين خان ڀنڊ تعلقي دادوءَ ۾ جنم ورتو.

صحافي - ڀاڱي جون ٻِيون داخلائون